” ميتالجي و أفتخر “
ميتالجي و أفتخر
هكذا أجابني شاب عن سؤالي عندما سألتة : ما نوع الموسيقى التي تفضلها ؟
أريد أن أقول أن موسيقى الميتال بدأت بالأنتشار بين الشباب و خصوصا بأوساط طلاب الجامعات … وعرف أن هناك جامعات يكثر بها محبيين الميتا ل ويذكر منها ” جامعة فلادلفيا ” و ” الجامعة الأردنية”
تتصف موسيقى الميتا ل بالأردن بسوء السمعة … بحيث عندما تذكر موسيقى الميتا ل أمام الناس العامه … يقولون مباشرة ” عبدة الشياطين”
ويعتقدون ذلك ..لأسباب ومنها:
- الناس لا يعرفون أي شيء عن موسيقى الميتا ل سوا أنها لعبدة الشياطين , ولا يعرفون أنها مختلفة و متنوعة
2 . يعتقد أغلب الناس أنها موسيقى مخصصة فقط للفئة الذين يعبدون الشياطين
وأنا أقول :
موسيقى الميتال أكثر من 10 أنواع … ومنها
Death meta l
Black meta l
Death progressive meta l
dom meta l
folk metal
thrash meta l
.
.
والكثير الكثير …
هنالك أنوع معينة من الأنواع التي ذكرت أنا بعضها هي مخصصة ل عبدة الشياطين وهي Black Meta l
ويذكر أن هنالك الكثير من الفرق الأردنية التي تعزف و تغني الميتا ل و يذكر منها “Esodic و “Ajdath”
هنالك تحفظ على أغاني الميتا ل بالأردن تخوفا منهم لأنتشار عبدة الشياطين بالمجتمع الأردني
وأنا أؤيدهم الرأي ولكن ,,,,
هنالك الكثير من الشباب الأردنيين المحبيين لهذا النوع من الموسيقى و سيستمعون لهذه الموسيقى شئنا أم أبينا … لذلك يجب عدم منع هذه الموسيقى من الأردن و لكن وضعها تحت المراقبة … بحيث يسمح منها ما هو غير خاص بعبدة الشياطين و يمنع ما هو خاص فيهم
عندما يعشق الشاب الأردني هذه الموسيقى ويستمع الي فرق أجنبية تغنيها يحفظ اللحن والكلمة وبالتالي غالبا ما تكون الكلمات غير أخلاقية … بينما عندما يستمع للموسيقى التي يحبها بأصوات و فرق أردنية … تكون الكلمات جيدة و قد تهدف الى أيصال رسالة الى أولئك الشباب
كما عبرت فرقة ايسودك” Esodic “عن حزنها لما حدث من تفجيرات بعمان بأغنية “”Jordanian Heart
ملاحظه: – أنا لا أتحيز الى أي طرف … بل أعبر عن رأي بصراحه و واقعية .
- مدونة بس بلاش
12/fab
ميزات أن تكوني بنت بالأردن
طبعا زي ما هو واضح من العنوان …
أنه البنات بالأردن الهم معامله من المجتمع و الناس و الأهل بتختلف عن معاملة الشباب ..و الفرق كالتالي :
أولا : لو كان راتب أبوها 500 دينار بيكون منهم 300 دينار مصروف الها و لمكياجها و لبسها و طلعاتها مع صاحباتها ,, بينما الشب بتطلع عينه عالمصروف وعالقرش الأحمر.
ثانيا : لما البنت بتحب تطلع مشوار و بدها توقف تاكسي (هدا في حال أنه البابا ما كان مشتريلها سيارة) .. ألف تاكسي بيوقفوا حتى قبل ما ترفع أيدها و تأشر حتى ,, بينما الشباب بيضلوا يستنى بتاكسي خمس ساعات تحت الشمس أو الشتا لحد ما يبطل يشوف الضو .
ثالثا : لما تكون البنت بتدرس بالجامعة و حابة تنجح .. ف بس أنه تضحك للدكتور .. فهدا الشي بيكفي أنه تنجح ..(هدا في حال أنه الدكتور نسونجي ) ..أما الشب في حال أنه درس و ناوي أنه ينجح ف الدكتور بيطلع عينه عالنجاح .
رابعا : لما تتخرج البنت بتلاقي شغل بسهولة تامة بس لما الشباب يروحوا يدوروا على شغل ف الشب بينصدم دائما بلوحات مكتوب عليها ” مطلوب موظفات” … زي قولة طييييييييييييييير … وعلى قولة ريمي بندلي ” طير وعلّي يا حمام” بس هون أصحاب الشغل بيحكوا ” طير و علّوا يا شباب” .
و في خامسا و سادسا و سابعا ….. القصه طويلة و طويلة و طويلة .
و أنا ما بقصد أني أكون متحيز مع الشباب …بس حبيت أعبر عن هادا الموضوع بأسلوبي 
مدونة “بس بلاش “
7/fab/2009
رأيك يهمني .. الرجاء شاركني برأيك .. بواسطة أضافة تعليق
مذكرات طالب جامعي
كل شخص ممكن تسأله ؛ : شو احلى مرحله بحياة الانسان … الأغلبية راح تقولك مرحلة الجامعة … وأنا مع هاي الأغلبية بالرأي …
و بقول :
- الحياة الجامعية أحلى حياة … لما تكون طالب و مصروفك مش مكفيك، و دايما بتفكر كيف بدك تجيب مصاري .
- الحياة الجامعية أحلى حياة … لما تطلع عالجامعة و يكون في طابور عالباصات و تقعد تستنى الدور لحد ما يفرجها ربك؛ وتروح عليك اول محاضره اذا مش اول محاضرتين.
- الحياة الجامعية احلى حياة … لما تروح عقاعة المحاضرة و يشرح الدكتور و ما تفهم اشي …ز ولما تدرس كتير لحد ما تبطل تقدر تشوف الضو …. وغيرك بالواسطه بياخد تسعينات … ولما …. ولما …. ولما …
وكل هاي الشغلات بتخلي الحياة الجامعية احلى حياة … فأنا بقول … أفرحوا يا طلاب الجامعه .. انتوا عايشيين احلى حياة … افرحوا و نطوا و معطوا شعركوا من الفرح … انتوا طلاب جامعة
- مدونة بس بلاش…
5th of fab/2009رجاءا لا تقرأ و تذهب … شاركني برأيك بواسطة اضافه تعليق .. فرأيك يهمني جدا
أحدث التعليقات